سورة الصافات - آیت 177

فَإِذَا نَزَلَ بِسَاحَتِهِمْ فَسَاءَ صَبَاحُ الْمُنذَرِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو جس وقت وہ ان کے میدان میں اترے گا ۔ تو ڈرائے ہؤں کی صبح بری ہوگی۔ (ف 1)

تفسیرسراج البیان - محممد حنیف ندوی

(ف 1) یعنی آج یہ لوگ گواز راہ عناد ودشمنی طلب عذاب میں مستعجل ہیں مگر آپ گھبرائیں نہیں ۔ جب اللہ کا غضب بھڑکے گا اور عذاب کو یہ لوگ روبرو دیکھیں گےتو اس و قت ان کے لئے حسرت اور ندامت کے سوا کوئی چارہ کار نہ ہوگا ۔ اس حالت میں ان کو احساس ہوگا کہ ہم نے اللہ کی غیرت کو آزمانے میں بہت بڑی گستاخی کا ارتکاب کیا ہے ۔ آپ ان سے فی الحال تعرض نہ فرمائیے ۔ حل لغات : بِسَاحَتِهِمْ۔ آنگن ۔ کشادگی ۔