سورة السجدة - آیت 29

قُلْ يَوْمَ الْفَتْحِ لَا يَنفَعُ الَّذِينَ كَفَرُوا إِيمَانُهُمْ وَلَا هُمْ يُنظَرُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

تو کہہ فتح کے دن کافروں کو ان کا ایمان نفع نہ دیگا اور نہ انہیں مہلت ملے گی۔

تفسیرسراج البیان - محممد حنیف ندوی

(ف 1)مکے والے چونکہ قیامت کے منکر تھے اس لئے وہ ازراہ طنز حضور (ﷺ) سے پوچھتے تھے کہ قیامت کب آئیگی فیصلہ کا دن کس وقت آئے گا ؟ قرآن کہتا ہے کہ وہ جب بھی آئے گا ۔ آئے گا ۔ مگر تم یاد رکھو کہ اس وقت کا ایمان سود مندنہ ہوگا ۔ اور نہ اس وقت تمہیں پھر دوبارہ مہلت دی جائے گی کہ دنیا میں جاؤ اور اپنے اعمال سنوار لو ۔ وہ مکافات کا دن ہے اس وقت اعمال منقطع ہوجائیں گے ۔ حل لغات: الْفَتْحِ۔ فیصلہ