سورة الحج - آیت 16

وَكَذَٰلِكَ أَنزَلْنَاهُ آيَاتٍ بَيِّنَاتٍ وَأَنَّ اللَّهَ يَهْدِي مَن يُرِيدُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور یوں ہم (ف ٢) نے یہ قرآن کھلی نشانیاں اتارا ہے ، اور اس لئے اتارا ہے کہ بیشک اللہ جسے چاہے ہدایت کرے ۔

تفسیرسراج البیان - محممد حنیف ندوی

(ف2) قرآن حکیم کی آیات کو اللہ تعالیٰ نے اکثر بینات کے لفظ سے تعبیر فرمایا ہے کیونکہ ان میں جن تعلیمات کا ذکر ہے ، وہ صحت وثبوت کے لحاظ سے بالکل واضح اور نمایاں ہیں ، اور بالکل حقیقت اور فطرت کے قریب ہیں ، جن میں قطعا الجھاؤ نہیں ، اور باوجود منطقی دلائل کے موافق ہونے کے اس درجہ آسان ہیں کہ ہر شخص بقدراستعداد استفادہ کرسکتا ہے۔ حل لغات: الصَّابِئِينَ: صابی کی جمع ہے یہ ایک ستارہ پرست جماعت اسلام سے قبل تھی اور رسم ورواج کے لحاظ سے مجوسیت سے زیادہ ملتے جلتے تھے ۔