سورة الاعراف - آیت 49

أَهَٰؤُلَاءِ الَّذِينَ أَقْسَمْتُمْ لَا يَنَالُهُمُ اللَّهُ بِرَحْمَةٍ ۚ ادْخُلُوا الْجَنَّةَ لَا خَوْفٌ عَلَيْكُمْ وَلَا أَنتُمْ تَحْزَنُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کیا یہ وہی اشخاص ہیں جن کے بارہ میں تم نے قسم کھا کر کہا تھا کہ اللہ ان پر رحم نہ کرے گا ، جاؤ جنت میں تم پر کچھ خوف نہیں اور نہ تم غمگین ہو گے ۔(ف ١)

تفسیرسراج البیان - محممد حنیف ندوی

(ف1) ﴿ادْخُلُوا الْجَنَّةَ﴾ سے پہلے محذوف ہے عبارت سے سمجھ میں آجاتا ہے کہا گیا ہے کہ جنت میں داخل ہوجاؤ ، ﴿فَالْيَوْمَ نَنْسَاهُمْ﴾سے مراد یہ نہیں کہ اللہ ان کو بھول جائے گا کیونکہ وہ نسیان وسہو سے بلند ہے ، مقصد یہ ہے کہ ان سے بالکل اس قسم کا سلوک روا رکھا جائے گا کہ گویا ہم بھول گئے ہیں ۔ حل لغات : حَرَّمَهُمَا: تحریم سے مراد ممانعت ہے یعنی اللہ نے روک رکھا ہے ۔