سورة الإنسان - آیت 4

إِنَّا أَعْتَدْنَا لِلْكَافِرِينَ سَلَاسِلَ وَأَغْلَالًا وَسَعِيرًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

ہم نے کافروں کے لئے زنجیریں اور طوق اور دہکتی آگ تیار کی ہے۔

تفسیر ثنائی - ثنا اللہ امرتسری

چونکہ دنیا میں دو مختلف قسم کے انسان ہوگئے ہیں اس لئے لازمی ہے کہ ان کے نتائج بھی مختلف ہوں گے جن کا ذکر یہ ہے کہ ہم (اللہ) نے ناشکر لوگوں کے لئے پیروں میں ڈالنے کو زنجیر اور گلے میں ڈالنے کے لئے طوق اور جلانے کے لئے آگ تیار کر رکھی ہے