سورة التحريم

قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ

مسلمانو ! خدا نے تمہارے لئے تمہاری ایسی قسموں کا کھول ڈالنا مقرر کردیا ہے اور اللہ تمہارا کارساز ہے اور وہ جاننے والا حکمت والا ہے

پس گزشتہ را صلوٰۃ آئندہ احتیاط کیونکہ اللہ نے تمہاری ایسی بے ضرورت اور پر ضرر قسموں کے توڑنے کا طریقہ تمہارے لئے مقرر کر رکھا ہے اور تم کو سمجھا دیا ہے کہ ایسی قسموں کے توڑنے کا کفارہ یہ دیا کرو کہ دس مساکین کو کھانا کھلائو یا تین روزے رکھو کیونکہ اللہ ہی تمہارا والی ہے اور وہ بڑا علم والا اور حکمت والا ہے