سورة الجمعة

قُلْ يَا أَيُّهَا الَّذِينَ هَادُوا إِن زَعَمْتُمْ أَنَّكُمْ أَوْلِيَاءُ لِلَّهِ مِن دُونِ النَّاسِ فَتَمَنَّوُا الْمَوْتَ إِن كُنتُمْ صَادِقِينَ

تو کہہ اے یہود اگر تمہارا یہ دعویٰ ہے کہ سب آدمیوں کے سوا صرف تم ہی اللہ کے دوست ہو ۔ اگر تم سچے ہو تو موت کی تمنا کرو۔

یہ تو ہے قانون الٰہی اب ذرہ ان یہودیوں کو ہدایت کرنے کے لئے تو کہہ اے یہودیو ! ہم تو اللہ کے بتانے سے جان چکے ہیں کہ تم لوگ بوجہ ترک شریعت کے ہدایت پر نہیں ہو لیکن اگر تم کو اس بات کا گھمنڈ ہے کہ تمام لوگوں میں سے تم ہی اللہ کے ولی ہو مقربان بارگاہ الٰہی ہو تو پھر اس رذیل دنیا میں رہ کر کیا لو گے اللہ سے موت مانگو اگر سچے ہو تو مرو اور مر کر سیدھے جنت میں چلے جائو۔