سورة الواقعة - آیت 17

يَطُوفُ عَلَيْهِمْ وِلْدَانٌ مُّخَلَّدُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سدارہنے والے لڑکے ان کے پاس لئے پھرتے ہیں۔

تفسیر ثنائی - ثنا اللہ امرتسری

(17۔18) ان کی نسل کے خرد سال مرے ہوئے بہشت میں ہمیشہ رہنے والے بچے ان جنتیوں کے پاس شیشے کے گلاس اور بلوری لٹیاں اور اییل شراب کے پیالے لے کر اردگرد پھریں گے (یہ بچے وہ ہوں گے جو اہل جنت کی اولاد شیرخواری کی حالت میں دنیا میں مری ہوگی۔ کیونکہ اس جگہ ولدان کا لفظ آیا ہے اور سورۃ طور میں غلمان لھم کا لفظ ہے جس کے معنی ہیں ” ان کے بچے“ یہ سب بچے اہل جنت کے بہلاوے کو ہوں گے۔ منہ )