سورة الصافات - آیت 37

بَلْ جَاءَ بِالْحَقِّ وَصَدَّقَ الْمُرْسَلِينَ

ترجمہ سراج البیان - مولانا حنیف ندوی

کوئی نہیں بلکہ وہ سچا دین لایا ہے اور سب رسولوں کی تصدیق کرتا ہے

تفسیر ثنائی - ثنا اللہ امرتسری

نبی کو شاعر اس لئے نہ کہتے تھے کہ وہ شعر گو ہے بلکہ وہ اپنے خیال میں نبی کی تعلیم کو شاعروں کے وہمی خیالات جیسے جانتے ہیں حالانکہ وہ ایسا نہیں بلکہ وہ نبی سچی تعلیم لایا اور اس نے بحکم الٰہی سب برگزیدوں اور رسولوں کی تصدیق کی ہے اس لئے ہر طرح سے راست باز اور راست بازوں کا دوست ہے