سورة الصافات - آیت 29

قَالُوا بَل لَّمْ تَكُونُوا مُؤْمِنِينَ

ترجمہ سراج البیان - مولانا حنیف ندوی

وہ کہیں گے نہیں بلکہ تم خود ہی ایمان نہ لائے تھے

تفسیر ثنائی - ثنا اللہ امرتسری

وہ ان کے گرو اور جھوٹے پیر کہیں گے کہ میاں بلکہ اصل بات تو یہ تھی کہ تم لوگوں کو اللہ پر ایمان نہ تھا۔ ورنہ ہمارے خالی خولی زبانی دعاوی میں کیوں پھنستے۔ تم میں ایمان ہوتا تو تم اتنا ضرور سوچتے کہ ہمارے دعوے کہاں تک سچے ہیں۔