سورة الفرقان

وَالَّذِينَ إِذَا أَنفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَٰلِكَ قَوَامًا

اور وہ لوگ کہ جب خرچ کرتے ہیں نہ تو بیجا اڑاتے ہیں اور نہ تنگی کرتے ہیں اور اس کے درمیان معتدل گزران کرتے ہیں۔

اس وصف کے علاوہ اور اوصاف بھی ان میں ہوتے ہیں یعنی وہ لوگ اللہ کے بندے ہیں کہ جب خرچ کرتے ہیں تو نہ فضول خرچی میں اڑاتے ہیں نہ بخل کرتے ہیں یعنی نہ تو ان کا وطیرہ یہ ہوتا ہے کہ ؎ گر مرد ہے عاشق کوڑی نہ رکھ کفن کو اور نہ وہ پیسے کے ایسے مرید ہوتے ہیں کہ ؎ گرجاں طلبی مضائقہ نیست گرزرطلبی سخن درین است بلکہ ان کی روش اس کے درمیان درمیان مضبوط ہوتی ہے