سورة الفرقان - آیت 37

وَقَوْمَ نُوحٍ لَّمَّا كَذَّبُوا الرُّسُلَ أَغْرَقْنَاهُمْ وَجَعَلْنَاهُمْ لِلنَّاسِ آيَةً ۖ وَأَعْتَدْنَا لِلظَّالِمِينَ عَذَابًا أَلِيمًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور نوح کی قوم کو جب انہوں نے رسولوں کو جھٹلایا ،ہم نے انہیں غرق کیا اور انہیں لوگوں کے لئے ایک نشانی ٹھہرایا اور ہم نے ظالموں کے لئے دکھ دینے والا عذاب تیار کیا ہے ۔

تفسیر ثنائی - ثنا اللہ امرتسری

اور سنو ! نوح کی قوم نے بھی جب ہمارے رسولوں کو جھٹلایا تو ہم نے ان کو پانی میں غرق کردیا اور ہم نے ان کے ساتھ ایسی کی کہ ان کو تمام لوگوں کیلئے نشانی بنایا اور ظالموں کیلئے ہم نے بڑا درد ناک عذاب تیار کر رکھا ہے