سورة القارعة

فَأُمُّهُ هَاوِيَةٌ

اس کی ماں (یعنی ٹھکانا) ہاویہ ہوگی۔

﴿فَاُمُّہٗ ہَاوِیَۃٌ﴾ تو اس کاٹھکانا اور مسکن جہنم ہوگا جس کے ناموں میں سے ایک نام الھاویہ ہے ، جہنم اس کے لیے بمنزلہ ماں کے ہوگا جو اپنے بیٹے کو ساتھ ساتھ رکھتی ہے ۔ جیسا کہ اللہ تعالیٰ نے فرمایا : ﴿إِنَّ عَذَابَهَا كَانَ غَرَامًا﴾( الفرقان: ۲۵؍۶۵) ” بے شک جہنم کا عذاب تو چمٹ جانے والا ہے ۔“ یہ بھی کہا جاتا ہے کہ اس کا دماغ جہنم میں گرے گا ، یعنی اس کو سر کے بل جہنم میں گرایاجائے گا۔