سورة التين - آیت 1
وَالتِّينِ وَالزَّيْتُونِ
ترجمہ سراج البیان - مولانا حنیف ندوی
انجیر اور زیتون (یعنی مولدومبعث مسیح) کی قسم
تفسیر السعدی - عبدالرحمٰن بن ناصر السعدی
﴿وَالتِّیْنِ﴾ انجیر کا معروف درخت اور اسی طرح ﴿الزَّیْتُوْنِ﴾ زیتون بھی ایک معروف درخت ہے۔ اللہ تبارک تعالیٰ نے ان دونوں کی قسم ان کے اور ان کے پھل کے کثیر الفوائد ہونے کی بنا پر کھائی ہے ، نیز اس بنا پر قسم کھائی ہے کہ ان دونوں درختوں کی ارض شام (فلسطین) میں، جو حضرت عیسیٰ ابن مریم کی نبوت کا محل ومقام ہے ، کثرت ہے۔