سورة الفجر - آیت 28

ارْجِعِي إِلَىٰ رَبِّكِ رَاضِيَةً مَّرْضِيَّةً

ترجمہ سراج البیان - مولانا حنیف ندوی

اپنے رب کی طرف لوٹ تو اس سے راضی وہ تجھ سے راضی

تفسیر السعدی - عبدالرحمٰن بن ناصر السعدی

﴿ ارْجِعِیْٓ اِلٰی رَبِّکِ﴾ ” اپنے رب کی طرف لوٹ چل۔ “ جس نے اپنی نعمتوں کے ذریعے سے تیری نشونما کی ﴿ رَاضِیَۃً مَّرْضِیَّۃً﴾ یعنی اللہ تعالیٰ اور اس کے ثواب سے راضی ہو کر جس سے اللہ تعالیٰ نے تجھ کو سرفراز فرمایا اور اللہ تعالیٰ تجھ سے راضی ہوا۔