سورة الأعلى

سَبِّحِ اسْمَ رَبِّكَ الْأَعْلَى

اپنے رب کے نام کی جو سب سے بلند (مرتبہ) ہے تسبیح کر

اللہ تعالیٰ اپنی تسبیح وتنزیہہ کا حکم دیتا ہے جو اس کے ذکر، اس کی عبادت ، اس کے جلال کے سامنے سرافگندہ اور اس کی عظمت کے سامنے فروتن ہونے کو متضمن ہے ، نیز تسبیح ایسی ہو جو اللہ تعالیٰ کی عظمت کے لائق ہے ، یعنی اس کے اسمائے حسنیٰ وعالیہ کا اس اسم سے ذکر جس کے معنی اچھے اور عظیم ہوں۔ اس کے افعال کا ذکر کیا جائے ، ان افعال میں سے ایک یہ بھی ہے کہ اس نے تمام مخلوقات کو پیدا کیا ، ان کو درست کیا ، یعنی نہایت مہارت کے ساتھ ان کو اچھی طرح تخلیق کیا۔