سورة الانشقاق - آیت 1

إِذَا السَّمَاءُ انشَقَّتْ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

جب آسمان پھٹ (ف 1) جائے گا۔

تفسیر السعدی - عبدالرحمٰن بن ناصر السعدی

قیامت کے دن بڑے بڑے اجرام فلکی میں جو تغیرات آئیں گے،اللہ تعالیٰ نے ان کو بیان کرتے ہوئے فرمایا:﴿إِذَا السَّمَاءُ انشَقَّتْ﴾یعنی جب آسمان پھٹ جائے گا اور پھٹ کر ایک دوسرے سے الگ ہوجائے گا ، اس کے ستارے بکھر جائیں گے اور اس کے سورج اور چاند بے نور ہوجائیں گے۔