سورة الإنفطار - آیت 14

وَإِنَّ الْفُجَّارَ لَفِي جَحِيمٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور بےشک بدکار دوزخ میں ہوں گے۔

تفسیر السعدی - عبدالرحمٰن بن ناصر السعدی

﴿وَاِنَّ الْفُجَّارَ﴾ ” اور بے شک فاجر لوگ۔ “جنہوں نے اللہ تعالیٰ کے حقوق اور بندوں کے حقوق میں کوتاہی کی، جن کے دل بگڑ گئے، تب ان کے اعمال بھی بگڑ گئے ﴿ لَفِیْ جَحِیْمٍ﴾ وہ اس دنیا میں، برزخ میں اور آخرت میں ، دردناک عذاب میں رہیں گے۔