سورة القيامة - آیت 31

فَلَا صَدَّقَ وَلَا صَلَّىٰ

ترجمہ سراج البیان - مولانا حنیف ندوی

پھر نہ یقین لایا ۔ اور نہ نماز پڑھی

تفسیر السعدی - عبدالرحمٰن بن ناصر السعدی

﴿فَلَا صَدَّقَ﴾ ” پس نہ اس نے تصدیق کی۔“ یعنی اللہ تعالیٰ ، اس کے فرشتوں، اس کی کتابوں، اس کے رسولوں، یوم آخرت اور اچھی بری تقدیر پر ایمان نہ لایا ﴿ وَلَا صَلّٰی وَلَكِنْ كَذَّبَ ﴾ اور نہ اس نے نماز ہی پڑھی بلکہ اس نے حق کی تصدیق کرنے کے بجائے تکذیب کی﴿ وَتَوَلَّى﴾ اور امر ونہی سے روگردانی کی ،یہی وہ شخص ہے جس کا دل مطمئن اور اپنے رب سے بے خوف ہے بلکہ وہ چلا جاتا ہے۔