سورة ص - آیت 59

هَٰذَا فَوْجٌ مُّقْتَحِمٌ مَّعَكُمْ ۖ لَا مَرْحَبًا بِهِمْ ۚ إِنَّهُمْ صَالُو النَّارِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہ اہل دوزخ کی ایک فوج ہے کہ تمہارے ساتھ گھس آتی ہے ۔ انہیں خوشی نصیب نہ ہو یہ آگ میں جانے والے ہیں ۔(ف 2)

تفسیر السعدی - عبدالرحمٰن بن ناصر السعدی

جب وہ جہنم میں داخل ہوں گے تو ایک دوسرے کو سب و شتم کرتے ہوئے کہیں گے : ﴿هَـٰذَا فَوْجٌ مُّقْتَحِمٌ مَّعَكُمْ﴾ ” یہ ایک فوج ہے جو تمہارے ساتھ گھسی چلی آ رہی ہے“ آگ میں ﴿لَا مَرْحَبًا بِهِمْ إِنَّهُمْ صَالُو النَّارِ﴾ ” ان کے لئے کوئی خیر مقدم نہیں ہے۔ بے شک یہ دوزخ میں جانے والے ہیں“