وَأَنزَلَ الَّذِينَ ظَاهَرُوهُم مِّنْ أَهْلِ الْكِتَابِ مِن صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا
اور اہل کتاب میں سے جو لوگ ان کے مددگار ہوئے تھے ان کو انہی کی گڑہیوں (ف 1) سے نیچے اتار ڈالا (ف 2) اور ان کے دلوں میں خوف ڈال دیا کہ تم (مسلمان ان میں سے) بعض کو قتل اور بعض کو قید کررہے تھے
﴿ وَأَنزَلَ الَّذِينَ ظَاهَرُوهُم ﴾ ” اور ہم جنہوں نے ان کی مدد کی تھی ان کو اتارا۔“ یعنی وہ لوگ جنہوں نے حملہ آوروں کی مدد کی ﴿ مِّنْ أَهْلِ الْكِتَابِ ﴾ ” اہل کتاب میں سے“ یعنی یہودیوں میں سے ﴿ مِن صَيَاصِيهِمْ ﴾ ” ان کے قلعوں سے“ یعنی انہیں سلام کے حکم کے تحت مغلوب کرکے ان کے قلعوں سے نیچے اتارا ﴿ وَقَذَفَ فِي قُلُوبِهِمُ الرُّعْبَ ﴾ ” اور ان کے دلوں میں رعب ڈال دیا۔“ پس ان میں لڑنے کی قوت باقی نہ رہی اور وہ اطاعت تسلیم کرتے ہوئے سرنگوں ہوگئے۔ ﴿ فَرِيقًا تَقْتُلُونَ ﴾ تم لڑائی کے قابل مردوں کو قتل کر رہے تھے ﴿وَتَأْسِرُونَ فَرِيقًا ﴾ اور ان مردوں کے علاوہ عورتوں اور بچوں کو قیدی بنا رہے تھے۔