سورة العنكبوت

وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُم مِّنَ الْجَنَّةِ غُرَفًا تَجْرِي مِن تَحْتِهَا الْأَنْهَارُ خَالِدِينَ فِيهَا ۚ نِعْمَ أَجْرُ الْعَامِلِينَ

اور جو لوگ ایمان لائے اور نیک کام کئے ۔ ہم انہیں بہشت کے بالاخانوں میں جگہ دینگے ۔ جن کے نیچے نہریں بہتی رہیں ۔ وہ اس میں ہمیشہ رہینگے ۔ اچھا اجر ہے کام کرنے والوں کا

وہ اس شخص کو بہترین جزا سے نوازے گا جس نے ایمان اور عمل صالح کو اکٹھا کیا، وہ انہیں رفیع الشان بالا خانوں اور خوبصورت منازل میں ٹھہرائے گا وہاں وہ تمام چیزیں جمع ہوں گی جسے نفس چاہتے اور آنکھیں لذت حاصل کرتی ہیں اور ان منازل میں تم ہمیشہ رہو گے۔ ﴿نِعْمَ ﴾ نعمتوں بھری جنت کے اندر یہ منازل بہترین ﴿ أَجْرُ الْعَامِلِينَ ﴾ ” اجر ہے عمل کرنے والوں کا“ اللہ تعالیٰ کی رضا کے لیے۔