سورة الشعراء - آیت 181
أَوْفُوا الْكَيْلَ وَلَا تَكُونُوا مِنَ الْمُخْسِرِينَ
ترجمہ سراج البیان - مولانا حنیف ندوی
پیمانہ بھر کردو ۔ اور نقصان دینے والے نہ بنو
تفسیر السعدی - عبدالرحمٰن بن ناصر السعدی
اس لئے شعیب علیہ السلام نے ان سے فرمایا : ﴿أَوْفُوا الْكَيْلَ﴾ ” ناپ کو پورا کرو“ ﴿وَلَا تَكُونُوا مِنَ الْمُخْسِرِينَ ﴾ ” اور کم کرکے دینے والوں میں شمولیت نہ کرو۔“ یعنی جو ناپ تول میں کمی کرکے لوگوں کے مال کم کرتے ہیں ان کے مال ہتھیا لیتے ہیں۔