سورة الهمزة - آیت 2

الَّذِي جَمَعَ مَالًا وَعَدَّدَهُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

جس نے مال جمع کیا اور گن گن کر رکھا (اور خدا کا حق نہ دیا)۔

تفسیر مکہ - حافظ صلاح الدین یوسف حافظ

* اس سے مراد یہی ہے کہ جمع کرنا اور گن گن کر رکھنا یعنی سینت سینت کر رکھنا اور اسے اللہ کی راہ میں خرچ نہ کرنا۔ ورنہ مطلق مال جمع کرکے رکھنا مذموم نہیں ہے۔ یہ مذموم اسی وقت ہے جب زکوٰۃ وصدقات اور انفاق فی سبیل اللہ کا اہتمام نہ ہو۔