سورة الجن - آیت 8
وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا
ترجمہ سراج البیان - مولانا حنیف ندوی
اور ہم نے آسمان (کی خبروں) کی تلاشی (موافق عادت سابقہ کے) لینا چاہا سو ہم نے اس کو سخت پہروں (یعنی محافظ فرشتوں) اور شعلوں سے بھرا ہوا پایا
تفسیر احسن البیان - حافظ صلاح الدین یوسف رحمہ اللہ
1- حَرَسٌ، حَارِسٌ (چوکیدارنگران) کی اور شُهُبٌ، شِهَابٌ (شعلہ) کی جمع ہے یعنی آسمانوں پر فرشتے چوکیداری کرتے ہیں کہ آسمانوں کی کوئی بات کوئی اور نہ سن لے اور یہ ستارے آسمان پر جانے والے شیاطین پر شعلہ بن کر گرتے ہیں۔