سورة الشعراء - آیت 197

أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ

ترجمہ سراج البیان - مولانا حنیف ندوی

کیا ان (اہل مکہ) کے لئے یہ نشانی کافی نہیں ۔ کہ اس قرآن کو علماء بنی اسرائیل جانتے ہیں

تفسیر احسن البیان - حافظ صلاح الدین یوسف رحمہ اللہ

1- کیونکہ ان کتابوں میں آپ (ﷺ) کا اور قرآن کا ذکر موجود ہے۔ یہ کفار مکہ، مذہبی معاملات میں یہود کی طرف رجوع کرتے تھے، اس اعتبار سے فرمایا کہ کیا ان کا یہ جاننا اوربتلانا اس بات کی دلیل نہیں کہ محمد (ﷺ) ،اللہ کے سچے رسول اور یہ قرآن اللہ کی طرف سے نازل کردہ ہے۔ پھر یہ یہود کی اس بات کو مانتے ہوئے پیغمبر پر ایمان کیوں نہیں لاتے؟۔