سورة النور - آیت 45

وَاللَّهُ خَلَقَ كُلَّ دَابَّةٍ مِّن مَّاءٍ ۖ فَمِنْهُم مَّن يَمْشِي عَلَىٰ بَطْنِهِ وَمِنْهُم مَّن يَمْشِي عَلَىٰ رِجْلَيْنِ وَمِنْهُم مَّن يَمْشِي عَلَىٰ أَرْبَعٍ ۚ يَخْلُقُ اللَّهُ مَا يَشَاءُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور اللہ نے ہر پھرنے والا پانی سے پیدا کیا ، سو ان میں بعض اپنے پیٹ کے بل چلتے ، اور بعض دو پیروں پر چلتے ، اور بعض چار پیروں پر چلتے ہیں ، اللہ جو چاہے ، پیدا کرے ، بےشک اللہ ہر شئے پر قادر ہے ۔

تفسیر مکہ - حافظ صلاح الدین یوسف حافظ

* جس طرح سانپ، مچھلی اور دیگر حشرات الارض کیڑے مکوڑے ہیں۔ ** جیسے انسان اور پرند ہیں۔ *** جیسے تمام چوپائے اور دیگر حیوانات ہیں۔ **** یہ اشارہ اس بات کی طرف کہ بعض حیوانات ایسے بھی ہیں جو چار سے بھی زیادہ پاؤں رکھتے ہیں، جیسے کیکڑا، مکڑی اور بہت سے زمینی کیڑے۔