سورة الكهف - آیت 93

حَتَّىٰ إِذَا بَلَغَ بَيْنَ السَّدَّيْنِ وَجَدَ مِن دُونِهِمَا قَوْمًا لَّا يَكَادُونَ يَفْقَهُونَ قَوْلًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہاں تک کہ جب دو دیواروں کے درمیان جا پہنچا ، تو ان دو دیواروں سے اس طرف اس نے ایک قوم کو پایا ، جو بات نہیں سمجھتے تھے ۔

تفسیر مکہ - حافظ صلاح الدین یوسف حافظ

* اس سے مراد دو پہاڑ ہیں جو ایک دوسرے کے مقابل تھے، ان کے درمیان کھائی تھی، جس سے یاجوج وماجوج ادھر آبادی میں آ جاتے اور اودھم مچاتے اور قتل وغارت گری کا بازار گرم کرتے۔ ** یعنی اپنی زبان کے سوا کسی اور کی زبان نہیں سمجھتے تھے۔