سورة الاعراف - آیت 175
وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ
ترجمہ سراج البیان - مولانا حنیف ندوی
اور تو انہیں اس شخص کی خبر پڑھ سنا جسے ہم نے اپنی آیات دی تھیں ، سو وہ ان کو چھوڑ نکلا پھر اس کے پیچھے شیطان لگا ، اور گمراہوں میں ہوگیا ۔
تفسیر احسن البیان - حافظ صلاح الدین یوسف رحمہ اللہ
1- مفسرین نے اسے کسی ایک متعین شخص سے متعلق قرار دیا ہے جسے کتاب الٰہی کا علم حاصل تھا لیکن پھر وہ دنیا اور شیطان کے پیچھے لگ کر گمراہ ہوگیا ۔ تاہم اس کی تعیین میں کوئی مستند بات مروی بھی نہیں۔ اس لیے اس تکلیف کی ضرورت نہیں ہے۔ یہ عام ہے اور ایسے افراد ہر امت اور ہر دور میں ہوتے رہے ہیں، جو بھی اس صفت کا حامل ہوگا، وہ اس کا مصداق قرار پائے گا۔