سورة الاعراف - آیت 78
فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ
ترجمہ سراج البیان - مولانا حنیف ندوی
پھر ان پر زلزلہ آیا ، سو وہ صبح کو اپنے گھروں میں اوندھے پڑے رہ گئے ،
تفسیر احسن البیان - حافظ صلاح الدین یوسف رحمہ اللہ
1- یہاں ”رَجْفَةٌ“ (زلزلے) کا ذکر ہے ۔ دوسرے مقام پر صَيْحَةٌ ( چیخ ) کا ۔ جس سے معلوم ہوتا ہے کہ یہ دونوں قسم کا عذاب ان پر آیا ۔ اوپر سے سخت چیخ اور نیچے سے زلزلہ ۔ ان دونوں عذابوں نے انہیں تہس نہس کرکے رکھ دیا ۔