سورة الإسراء

وَإِن كَادُوا لَيَفْتِنُونَكَ عَنِ الَّذِي أَوْحَيْنَا إِلَيْكَ لِتَفْتَرِيَ عَلَيْنَا غَيْرَهُ ۖ وَإِذًا لَّاتَّخَذُوكَ خَلِيلًا

اور وہ تو تجھے ہماری وحی سے جو ہم نے تیری طرف نازل کی ہے بچلانے ہی لگے تھے تاکہ تو اس کے سوا کچھ ہم پر افترا کرے اور اس وقت وہ تجھے دوست سمجھتے ۔

. مکار و فجار کی چالاکیوں سے اللہ تعالیٰ ہمیشہ اپنے رسول کو بچاتا رہا ، آپ کو معصوم اور ثابت قدم ہی رکھا ، خود ہی آپ کا ولی و ناصر رہا ، اپنی ہی حفاظت اور صیانت میں ہمیشہ آپ کو رکھا ، آپ کی تائید اور نصرت برابر کرتا رہا ، آپ کے دین کو دنیا کے تمام دینوں پر غالب کر دیا ، آپ کے مخالفین کے بلند بانگ ارادوں کو پست کر دیا ، مشرق سے مغرب تک آپ کا کلمہ پھیلا دیا ، اسی کا بیان ان دونوں آیتوں میں ہے ۔ اللہ تعالیٰ آپ پر قیامت تک بےشمار درود و سلام بھیجتا رہے ۔ آمین ۔