سورة الاعراف - آیت 25

قَالَ فِيهَا تَحْيَوْنَ وَفِيهَا تَمُوتُونَ وَمِنْهَا تُخْرَجُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

فرمایا تم اسی میں جیوگے ، اور اسی میں مرو گے اور اسی میں سے نکلو گے۔ (ف ١)

تفسیر اشرف الہواشی - محمد عبدہ لفلاح

ف 2 یعنی اللہ تعالیٰ نے زمین کو بنی آدم کے لیے جائے سکونت قرار دیا ہے کہ مر نے کے بعد اس زمین میں مد فون ہوں اور قیامت کے دن اسی سے زندہ ہو کر نکلیں جیسا کہ سورت طهٰ میں فرمایا : İ مِنۡهَا خَلَقۡنَٰكُمۡ وَفِيهَا ‌نُعِيدُكُمۡ وَمِنۡهَا نُخۡرِجُكُمۡ تَارَةً أُخۡرَىٰ Ĭ ۔ اسی مٹی سے ہم نے تم کو پیدا کیا اور اسی میں تمہیں لوٹائیں گے اور اسی سے دوبارہ تمہیں نکالیں گے ( آیت 55)