سورة الانعام - آیت 8

وَقَالُوا لَوْلَا أُنزِلَ عَلَيْهِ مَلَكٌ ۖ وَلَوْ أَنزَلْنَا مَلَكًا لَّقُضِيَ الْأَمْرُ ثُمَّ لَا يُنظَرُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور کہتے ہیں کہ اس پر کوئی فرشتہ کیوں نہ اترا اور اگر ہم فرشتہ اتاریں ، تو بات ہی فیصل ہوجائے پھر ان کو مہلت بھی نہ ملے ۔

تفسیر اشرف الہواشی - محمد عبدہ لفلاح

ف 6 نبوت کے منکرین کایہ تیسرا شبہ ہے کہ اگر اللہ تعالیٰ کو مخلوق کی طرف کوئی رسول ہی بھیجنا تھا تو وہ انسان کی بجائے فرشتہ ہونا چاہیے تھا یا فرشتہ آپ کے ساتھ ساتھ پھرتا اور کہتا کہ یه اللہ کا پیغمبر ہے اس پر ایمان لے آؤ ورنہ تمہیں سزا دی جائے گی، (ابن کثیر، کبیر) ف 7 یہ پہلا جواب ہے (رازی) کیونکہ سنت الہٰیہ یہ ہے کہ جب کوئی قوم اپنے نبی سے معجزہ طلب کرے اور وہ اسے دکھا دیا جائے لیکن اس کے باوجود بھی وہ ایمان نہ لائے تو اسے ہلاک کردیا جاتا ہے۔ (قرطبی)