سورة المآئدہ - آیت 47

وَلْيَحْكُمْ أَهْلُ الْإِنجِيلِ بِمَا أَنزَلَ اللَّهُ فِيهِ ۚ وَمَن لَّمْ يَحْكُم بِمَا أَنزَلَ اللَّهُ فَأُولَٰئِكَ هُمُ الْفَاسِقُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور چاہئے کہ انجیل والے اس کے موافق جو اللہ نے انجیل میں نازل کیا ہے حکم کریں اور جو کوئی خدا کے نازل کئے ہوئے کے موافق حکم نہ دے تو وہی فاسق ہیں۔ (ف ٢)

تفسیر اشرف الہواشی - محمد عبدہ لفلاح

ف 7 انجیل کے مطابق ٹھیک ٹھیک فیصلہ کرنے کے معنی یہ ہیں کہ انجیل میں جو نبی آخرالزمان (ﷺ) کے متعلق پیش گوئیاں اور دلائل موجود ہیں یا ان کو چھپانے ان کی غلط تاویلیں کرنے کی کوشش نہ کریں یا یہ کہ نزول انجیل کے وقت جو نصاریٰ تھے ان کو یہ حکم دیا گیا تھا بعض نے یه لکھا ہے كه یہ آیت منسوخ ہے اور ان کو یہ حکم اس وقت تھا جب نبی (ﷺ) کی بعثت نہیں ہوئی تھی آپ (ﷺ) کی بعثت کے بعد پچھلی تمام بعثتیں منسوخ ہوگئی ہیں (کبیر، قرطبی)