سورة البينة - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

(شروع) اللہ کے نام سے جو بڑا مہربان نہایت رحم والا ہے

تفسیر اشرف الہواشی - محمد عبدہ لفلاح

ف 5 جمہور مفسرین کے نزدیک یہ سورۃ مدنی ہے اور بعض اسے مکی کہتے ہیں۔ صحیحین میں حضرت انس(رض) سے روایت ہے کہ رسول اللہ (ﷺ)نے حضرت ابی بن کعب سے فرمایا : اللہ تعالیٰ نے مجھے حکم دیا ہے کہ تمہیں سورۃ لَمْ يَكُنِ الَّذِينَ سنائوں؟ انہوں نے عرض کیا :” کیا اللہ تعالیٰ نے میرا نام لیا ہے؟“ فرمایا :” ہاں“ یہ سن کر حضرت ابی (خوشی سے) رونے لگے۔ (فتح القدیر)