سورة المدثر - آیت 56

وَمَا يَذْكُرُونَ إِلَّا أَن يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور جب تک خدا نہ چاہے وہ ہرگز یاد نہ کریں گے ۔ وہی ڈرنے کے لائق اور بخشنے کے لائق ہے۔

تفسیر اشرف الہواشی - محمد عبدہ لفلاح

ف 8 کیونکہ ایمان کی توفیق دینے والا وہی ہے۔ ف 9 حضرت انس سے روایت ہے کہ آنحضرت (ﷺ)نے یہ آیت تلاوت کی اور فرمایا : تمہارے رب کا ارشاد ہے کہ میں ہی اس لائق ہوں کہ مجھ سے ڈرا جائے اور میرے علاوہ کسی کو معبود نہ بنایا جائے۔ لہٰذا جو شخص بھی یہ دونوں کام کرے گا تو میں ہی اس لائق ہوں کہ اسے بخش دوں۔ (شوکانی)