سورة نوح - آیت 21

قَالَ نُوحٌ رَّبِّ إِنَّهُمْ عَصَوْنِي وَاتَّبَعُوا مَن لَّمْ يَزِدْهُ مَالُهُ وَوَلَدُهُ إِلَّا خَسَارًا

ترجمہ سراج البیان - مولانا حنیف ندوی

نوح نے کہا کہ اے میرے رب انہوں نے میری نافرمانی کی اور اس کے تابع ہوئے جس کو اس کے مال واولاد سے اور ٹوٹا ہی بڑھا

تفسیر اشرف الحواشی - محمد عبدہ الفلاح

ف 7 یعنی مجھے چھوڑ کر اپنے ان سرکش سرداروں اور مالداروں کی پیروی کرتے ہیں جنہیں ان کے مال و دولت اور اولاد نے آخرت سے اندھا کر رکھا ہے اور اس بنا پر وہ سخت نقصان میں پڑے ہوئے ہیں۔