سورة المعارج - آیت 34
وَالَّذِينَ هُمْ عَلَىٰ صَلَاتِهِمْ يُحَافِظُونَ
ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی
اور جو اپنی نماز سے خبردار ہیں۔
تفسیر اشرف الہواشی - محمد عبدہ لفلاح
ف 5 یعنی اسے دھیان سے تمام ارکان و شرائط کے ساتھ وقت پر ادا کرتے ہیں۔ اوپر کی آیت میں نماز پر دوام کی تعریف کی ہے اور اس آیت میں نفس نماز کی حفاظت پر مومنین کی صفات کی ابتداء اور انتہا میں نماز کی حفاظت پر زور دیا ہے اور کیوں نہ ہو جبکہ نماز ہی مومن کی معراج ہے اور باری تعالیٰ کے ساتھ مناجات ہے۔ اس بناء پر آنحضرت (ﷺ)نے فرمایا ہے : (جُعِلَتْ قُرَّةَ عَيْنِي فِي الصَّلَاةِ) کہ میری آنکھ کی ٹھنڈک نماز میں رکھی گئی ہے۔ (روح)