سورة محمد - آیت 28

ذَٰلِكَ بِأَنَّهُمُ اتَّبَعُوا مَا أَسْخَطَ اللَّهَ وَكَرِهُوا رِضْوَانَهُ فَأَحْبَطَ أَعْمَالَهُمْ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہ اس لئے کہ انہوں نے اس چیزکی پیروی کی ۔ جس نے اللہ کو غصہ دلایا اور خود اس کی خوشنودی کو ناپسند کیا پس ان کے کام (ف 1) اللہ نے اکارت کردیئے۔

تفسیر اشرف الہواشی - محمد عبدہ لفلاح

ف 3 یعنی کفر و شرک اور نفاق کی راہ پر ۔ ف 4 یعنی ہر اس کام کو برا سمجھا جس میں اللہ تعالیٰ کی رضا مندی تھی جیسے ایمان توحید اخلاص، تقویٰ اور جہاد وغیرہ۔ ف 5 کیونکہ ان کی بنیاد اخلاص و ایمان پر نہ تھی۔ یاد رہے کہ ایمان کے بغیر کوئی عمل قبول نہیں ہو سکتا۔