سورة الزمر - آیت 4

لَّوْ أَرَادَ اللَّهُ أَن يَتَّخِذَ وَلَدًا لَّاصْطَفَىٰ مِمَّا يَخْلُقُ مَا يَشَاءُ ۚ سُبْحَانَهُ ۖ هُوَ اللَّهُ الْوَاحِدُ الْقَهَّارُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور اگر اللہ چاہتا کہ اولاداختیار کرے تو جو اس نے پیدا کیا ہے اس میں سے جس چیز کو اللہ چاہتا چن لیتا ۔ وہی اللہ ہے اکیلا زبردست۔

تفسیر اشرف الہواشی - محمد عبدہ لفلاح

ف 3 یعنی اللہ کا کسی کو بیٹا بنانا تو قطعی محال ہے۔ اگر کوئی بات ہے تو بس اتنی کہ وہ بندوں میں سے جسے چاہتا ہے برگزیدہ کرلیتا ہے اور ظاہر ہے جو اللہ کا بندہ اور اس کا برگزیدہ ہو وہ بیٹا نہیں ہوسکتا کیونکہ خالق اور مخلوق کی جنس ایک نہیں ہو سکتی حالانکہ باپ بیٹے کا ایک جنس سے ہونا ضروری ہے۔ (شوکانی)