سورة ص - آیت 75

قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ ۖ أَسْتَكْبَرْتَ أَمْ كُنتَ مِنَ الْعَالِينَ

ترجمہ سراج البیان - مولانا حنیف ندوی

فرمایا اے ابلیس جسے میں نے اپنے دونوں ہاتھوں سے پیدا کیا اسے سجدہ کرنے سے تجھے کس نے روکا ؟ کیا تونے تکبر کیا یا تو اونچے لوگوں میں سے ہے ؟

تفسیر اشرف الحواشی - محمد عبدہ الفلاح

ف ١٢ یعنی بلا واسطہ خود بنایا۔ یہاں اللہ تعالیٰ کے ” دونوں ہاتھوں“ کی تاویل بعض لوگوں نے قدرت سے کی ہے مگر صفات الٰہی میں تاویل جائز نہیں اور سلف (رح) کے مسلک کے خلاف ہے۔ ف ١٣ یعنی کیا اس مرتبہ کو پہنچ گیا ہے کہ میرا حکم نہ مانے