سورة ص - آیت 9
أَمْ عِندَهُمْ خَزَائِنُ رَحْمَةِ رَبِّكَ الْعَزِيزِ الْوَهَّابِ
ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی
کیا ان کے پاس تیرے رب بخشنے والے کی رحمت (ف 1) کے خزانے ہیں ؟۔
تفسیر اشرف الہواشی - محمد عبدہ لفلاح
ف 12 کہ جس کو جو نعمت چاہیں دیں اور جسے چاہیں نہ دیں؟ ہرگز نہیں بلکہ اللہ تعالیٰ اپنی نعمتوں کے خزانوں کا خود مالک ہے تو وہ جسے چاہتا ہے دیتا ہے اور جسے چاہتا ہے محروم رکھتا ہے۔ اب اگر اس نے اپنی نعمت و رسالت سے آپ (صلی اللہ علیہ وآلہ وسلم) کو سرفراز فرمایا ہے تو یہ کیوں حسد کرتے ہیں۔