سورة فاطر - آیت 24

إِنَّا أَرْسَلْنَاكَ بِالْحَقِّ بَشِيرًا وَنَذِيرًا ۚ وَإِن مِّنْ أُمَّةٍ إِلَّا خَلَا فِيهَا نَذِيرٌ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بے شک ہم نے تجھے سچا دین دے کر خوشخبری سنانے اور ڈرانے کے لیے بھیجا ہے اور کوئی امت ایسی نہیں جس میں ڈرانیوالا نہ گزرا ہو۔ (ف 2)

تفسیر اشرف الہواشی - محمد عبدہ لفلاح

ف 11 یعنی اطاعت گزاروں کو جنت کی خوشخبری دینے والا اور نافرمانوں کو خدا کے عذاب سے ڈرانے والا۔ ف 12 ڈرانے والا، خواہ نبی ہو، خواہ جو نبی کی راہ پر ہو۔ اس آیت سے معلوم ہوا کہ ہر قوم اور ہر ملك میں ڈر سنانےوالے ہو گزرے ہیں۔ ( دیکھئے سورۃ رعد آیت 7 سورۃ نحل : 36)