سورة آل عمران - آیت 76

بَلَىٰ مَنْ أَوْفَىٰ بِعَهْدِهِ وَاتَّقَىٰ فَإِنَّ اللَّهَ يُحِبُّ الْمُتَّقِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

(گناہ) کیوں نہیں ، بلکہ جس نے اپنا عہد پورا کیا اور خدا سے ڈراتو خدا (ایسے ہی) پرہیزگاروں سے محبت رکھتا ہے ۔

تفسیر اشرف الہواشی - محمد عبدہ لفلاح

ف 2 بَلَىٰٰ کیوں نہیں یعنی اس کی بد عہدی اور خیانت پر ضرور مؤا خذہ ہوگا اللہ تعالیٰ کا پسندیدہ اور محبوب شخص تو وہی ہے جو اللہ تعالیٰ اور بندوں سے کیا ہوا عہد پورا کرتا ہے۔ (اس میں آنحضرت (ﷺ )پر ایمان لانے کا عہد بھی داخل ہے) اور پھر ہر معاملہ میں اللہ تعالیٰ سے ڈرتا ہے اواس شریعت کی اتباع کرتا ہے جو آنحضرت (ﷺ) لے کر مبعوث ہوئے۔