سورة العنكبوت - آیت 42

إِنَّ اللَّهَ يَعْلَمُ مَا يَدْعُونَ مِن دُونِهِ مِن شَيْءٍ ۚ وَهُوَ الْعَزِيزُ الْحَكِيمُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

خدا کے سوا جس جس چیز کو پکارتے ہیں اللہ جانتا ہے خواہ وہ کوئی چیز کیوں نہ ہو ۔ اور وہ غالب حکمت والا ہے۔

تفسیر اشرف الہواشی - محمد عبدہ لفلاح

ف5۔ یہ ترجمہ اس صورت میں ہے جب ” مَا يَدْعُونَ “ کے ” ما“ کو استفہامیہ قرار دیا جائے اور اگر اسے نافیہ قرار دیا جائے تو ترجمہ یوں ہوگا۔ ” اللہ تعالیٰ جانتا ہے کہ یہ لوگ اس كے سوا کسی چیز کو نہیں پکارتے یعنی وہ کوئی چیز نہیں ہے کہ اسے پکارنا ان کے کسی کام آسکے اور یہاں ایک تیسرا احتمال بھی ہے کہ ” ما“ مصدر مان لیا جائے۔ (شوکانی) ف 6۔ اسی کو پکارنا، اسی کے سامنے التجائیں کرنا اور اسی سے مرادیں مانگنا کام آسکتا ہے۔