سورة العنكبوت - آیت 22

وَمَا أَنتُم بِمُعْجِزِينَ فِي الْأَرْضِ وَلَا فِي السَّمَاءِ ۖ وَمَا لَكُم مِّن دُونِ اللَّهِ مِن وَلِيٍّ وَلَا نَصِيرٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور تم زمین میں اور آسمان میں اللہ کو عاجز نہ کرسکو گے ۔ اور سوائے اللہ کے تمہارا کوئی دوست اور مددگار نہیں۔

تفسیر اشرف الہواشی - محمد عبدہ لفلاح

ف3۔ یعنی تم اس کی گرفت سے بچ کر کہیں نہیں بھاگ سکتے۔ جہاں ہو گے یا جہاں جائو گے بہرحال اس کی گرفت میں ہو گے۔ (دیکھئے سورۃ الرحمن آیت 33) اور جیسا کہ دوسرے مقام پر فرمایا : İ وَلَوْ كُنْتُمْ فِي بُرُوجٍ ‌مُشَيَّدَةٍ Ĭ (قرطبی) ف 4۔ مطلب یہ ہے کہ نہ تم خود اتنے زور آور ہو کہ کہیں بھاگ کر خدا کی گرفت سے نکل سکو اور نہ تمہارے کوئی حمایتی و مددگار ہیں جو تمہیں خدا کی گرفت سے بچا سکیں۔