إِنَّ اللَّهَ اصْطَفَىٰ آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ
بےشک اللہ نے آدم (علیہ السلام) کو اور نوح (علیہ السلام) کو اور ابراہیم (علیہ السلام) کی اولاد کو اور عمران کی اولاد کو سارے جہان کے اوپر برگزیدہ کیا ہے ۔
ف 4 اوپر کی آیات میں آنحضرت (ﷺ )کی اتباع کا حکم دیا ہے اور اب اس آیت میں آپ کی رسالت کے اثبات کے سلسلہ میں فرما رہا ہے کہ آنحضرت( ﷺ) کا تعلق بھی اس خاندان نبوت سے ہے جس کو اللہ تعالیٰ نے چن لیا ہے۔ (شوکانی) عمران نام کی دو شخصیتیں گزری ہیں ایک موسیٰ ( علیہ السلام) و ہارون ( علیہ السلام) کے والد اور دسرے حضرت مریم (رض) کے والد اکثر مفسرین (رح) نے یہاں عمران ثانی مراد لیا ہے کیونکہ انہی کی آل۔ حضرت مریم ( علیھا السلام) وعیسی ( علیہ السلام)۔ کا قصہ بیان کیا جار ہا ہے۔ (ابن کثیر۔ کبیر) غالبا اس سورۃ کا نام آل عمران اسی قصہ پر رکھا گیا ہے۔