سورة النمل - آیت 15

وَلَقَدْ آتَيْنَا دَاوُودَ وَسُلَيْمَانَ عِلْمًا ۖ وَقَالَا الْحَمْدُ لِلَّهِ الَّذِي فَضَّلَنَا عَلَىٰ كَثِيرٍ مِّنْ عِبَادِهِ الْمُؤْمِنِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور ہم نے داؤد اور سلیمان کو ایک علم دیا اور ان دونوں نے کہا کہ اللہ کا شکر ہے جس نے ہمیں اپنے بہت سے ایماندار بندوں پر فضیلت بخشی۔

تفسیر اشرف الہواشی - محمد عبدہ لفلاح

ف7۔ یعنی دین و شریعت کا علم۔ (قرطبی) ف 8۔ یعنی ہمیں علم و نبوت عطا فرما کر اور پرندوں، جنوں اور انسانوں کو ہمارے تابع فرمان بنا کر اپنے بہت سے مومن بندوں پر فضیلت دی۔ ” بہت سے“ کا لفظ اس لئے استعمال فرمایا کہ ا نہیں بہت سوں پر ہی فضیلت دی گئی تھی ” سب پر“ نہیں کیوں کہ سب پر فضیلت تو صرف آنحضرت خاتم الانبیاءﷺ کو ہی حاصل ہوئی ہے۔ (شوکانی)