سورة آل عمران - آیت 8

رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً ۚ إِنَّكَ أَنتَ الْوَهَّابُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اے ہمارے رب ! جبکہ تو ہمیں ہدایت کرچکا تو ہمارے دلوں کو گمراہ نہ کر اور اپنی طرف سے ہمیں نعمت دے تو ہی سب کچھ دینے والا ہے ۔

تفسیر اشرف الہواشی - محمد عبدہ لفلاح

ف 3 یہ وہ دعا ہے جو علم میں راسخ حضرات اللہ کے حضور کرتے رہتے ہیں۔ حضرت ام سلمہ (رض) سے روایت ہے کہ نبی (ﷺ) یہ دعا فرمایا کرتے تھے۔( يَا ‌مُقَلِّبَ ‌الْقُلُوبِ ثَبِّتْ قَلْبِي عَلَى دِينِكَ)(اے اللہ میرے دل کو اپنے دین پر ثابت رکھ )، پھر آپ (ﷺ) نے یہ آیت تلاوت فرمائی۔ (ابن جریر )