سورة الفرقان - آیت 12

إِذَا رَأَتْهُم مِّن مَّكَانٍ بَعِيدٍ سَمِعُوا لَهَا تَغَيُّظًا وَزَفِيرًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

جب دوزخ ان لوگوں کو دور سے دیکھے گی تب یہ لوگ اس کا غصہ سے جھنجھلانا اور چلانا سنیں گے ۔

تفسیر اشرف الہواشی - محمد عبدہ لفلاح

ف11۔ ممکن ہے دوزخ کا یہ دیکھنا ” ظھرت لھم“ کے معنی میں ہو یعنی جب دوزخ ان کے سامنے ظاہر ہوگی اور انہیں نظر آئیگی اور یہ بھی ممکن ہے کہ اللہ تعالیٰ اس میں حقیقتاً دیکھنے کی قوت پیدا کر دے آخرت میں دوزخ کا کلام کرنا بھی تو ثابت ہی ہے۔İ وَتَقُولُ ‌هَلْ ‌مِنْ مَزِيدٍ Ĭ (سورہ ق :30) ف 12۔ حدیث میں ہے کہ جب کسی کو دوزخ کی طرف کھینچ کر لایا جائیگا تو اسے دیکھ کر جہنم اس شوق و رغبت سے بلائے گی جیسے جو کو دیکھ کر خچر آواز نکالتا ہے۔ اعاذنا اللہ منھا۔ (ابن کثیر)